وسائل کی منصفانہ تقسیم کیلئے جدو جہد جاری رکھوں گا‘لیاقت خان

پشاور(لیڈی رپورٹر)پاکستان تحریک انصاف کے سینئر رہنما اور وزیرِ اعلیٰ کے معاون خصوصی برائے پاپولیشن ویلفیئر ملک لیاقت علی خان نے کہا ہے کہ اپنے علاقے کے وسائل کی منصفانہ تقسیم و استعمال اور ترقی کے لیے تمام موجود وسائل کو بروئے کار لانے کے لیے آخری سانس تک جہدوجہد جاری رکھوں گا۔ ملاکنڈ ڈویژن کے عوام اور بالخصوص دیر کے لوگوں نے جس مقصد کے لیے اسمبلی بھیجا ہے ان کی آواز اٹھانے اور مسائل کے حل کے لیے جان کی پرواہ نا پہلے کی ہے اور نا پھر کبھی کروں گا۔ ان خیالات کا اظہار انہوں نے گزشتہ روز اپنے دفتر میں مختلف علاقوں سے آئے ہوئے وفود اور عمائدین سے ملاقات میں کیا۔ وفود اور علاقہ عمائدین نے معاون خصوصی ملک لیاقت علی خان سے علاقے کے مسائل، جاری ترقیاتی کاموں پر رائے اور اس کے حل کے لیے اٹھائے گئے اقدامات پر تبادلہ خیال کیا۔ملک لیاقت نے کہا کہ علاقے میں تعلیم اور صحت کی حالت بہتر بنانے کیلئے ترجیحی بنیادوں پر اقدامات کر رہا ہوں،انہوں نے کہا کہ فرد واحد کی بجائے عوامی مفادات کو ملحوظ خاطر رکھ رہا ہوں پورے صوبہ اور بالخصوص دیر کے عوام فلاح وبہبود کے لیے بانی پاکستان تحریک انصاف عمران خان کے دلیر سپاہی کی طرح لڑتا رہوں گا۔