جنید خان کو فلم اسٹوڈیو میں داخلے سے کیوں روک دیا گیا تھا؟

05 جولائی ، 2024

گزشتہ ماہ ریلیز ہونے والی بالی ووڈ فلم مہاراج کے ہدایتکار سدھارتھ ملہوترا نے انکشاف کیا ہے کہ فلم کے مرکزی کردار اور بالی ووڈ سپر اسٹار عامر خان کے بیٹے جنید خان کو ایک دفعہ یش راج فلم اسٹوڈیوز میں داخل ہونے سے روکا گیا تھا۔

سدھارتھ ملہوترا نے بتایا کہ سادہ مزاج جنید خان آٹو میں سفر کرتے یش راج فلمز اسٹوڈیو آئے جہاں سیکیورٹی اسٹاف نے انہیں روک لیا کیونکہ انہیں معلوم نہیں تھا کہ وہ فلم مہاراج کے ہیرو اور عامر خان کے بیٹے ہیں۔

واضح رہے کہ جنید خان نے فلم مہاراج سے اپنے بالی ووڈ کیریئر کا آغاز کیا ہے۔فلم کے اجرا کے بعد سے فلم بینوں اور ناقدین کی جانب سے تجزیے جاری ہیں۔

فلم میں جنید خان کے کرسن داس مولجی کے کردار کی ادائیگی کو نیچرل ایکٹنگ کی وجہ سے سراہا گیا ہے۔

ڈائریکٹر سدھارتھ پی ملہوترا نے جنید خان کے بارے میں کہا کہ ان میں غصہ یا ناراضی بالکل نہیں ہے جو کہ اکثر نوجوانوں میں پایا جاتا ہے جبکہ وہ آٹو میں سفر کرتے ہیں۔

انھوں نے جنید کی سادہ طبیعت کو سراہتے ہوئے کہا کہ وہ ایک برس تک فلم کی دیگر کاسٹ کے ساتھ انکے گھر آتے رہے تاکہ اسکرپٹ کی ریڈنگ اور پریکٹس کرسکیں جو کہ فلم میں انکے کورٹ سین اور ڈائیلاگ پر مبنی تھے۔

انھوں نے کہا کہ ایک نئے اداکار کے لیے یہ خاصا مشکل کردار تھا اسی لیے انھوں نے سنیہا اور میرے ساتھ ملکر اسکی ریہرسل کی۔ ہر مرتبہ میرے گھر پر رکشے میں آنے کی وجہ سے میرے اسٹاف نے پوچھا، کیا یہ عامر خان کا بیٹا ہے؟

انٹرٹینمنٹ سے مزید