• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئین شکنوں کو عبرت کی مثال بنائیں گے، علی امین گنڈاپور

تازہ ترین
قومی خبریں
05 جولائی ، 2024


وزیر اعلیٰ خیبر پختونخوا علی امین گنڈاپور کا کہنا ہے کہ آئین توڑنے والوں کو عبرت کی مثال بنائیں گے۔

مانسہرہ میں جلسے سے خطاب کرتے ہوئے علی امین گنڈاپور نے کہا کہ چیف جسٹس پاکستان اگر انصاف نہیں دے سکتے تو بانی پی ٹی آئی کے کیسز سے علیحدہ ہوجائیں۔

علی امین گنڈاپور نے کہا کہ بانی پی ٹی آئی کے جیل میں رہنے کے ایک ایک دن کا حساب لیا جائے گا، اگر پرویز خٹک نے بانی پی ٹی آئی کے خلاف جھوٹی گواہی دی تو ان کو خیبر پختونخوا میں رہنے نہیں دیں گے۔

علی امین گنڈاپور نے اے ٹی سی اسلام آباد کے سامنے سرنڈر کر دیا

علی امین گنڈا پور نے عدالت کو بتایا کہ سرکاری مصروفیات کی وجہ سے عدالت میں پیش نہیں ہو سکے۔

پی ٹی آئی رہنما عمر ایوب خان نے کہا کہ سازشیوں کو ملک کی ترقی پسند نہیں آئی، آج مہنگائی نے عوام کا برا حال کر دیا۔

 اسد قیصر نے کہا کہ بجلی کی قیمتوں میں اضافے کے خلاف آواز اٹھائیں گے۔

 جلسے سے خطاب کرتے ہوئے پی ٹی آئی رہنما علی محمد خان بولے بانی پی ٹی آئی کی رہائی کے لیے پورے ملک میں باہر نکلیں گے۔

قومی خبریں سے مزید