• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سابق جج شاہد جمیل کے جسٹس امیر حسین بھٹی پر سنگین الزامات

آج کا اخبار
اہم خبریں
06 جولائی ، 2024
کراچی (نیوز ڈیسک) لاہور ہائیکورٹ کے سابق جج جسٹس شاہد جمیل نے لاہور ہائیکورٹ کے سابق چیف جسٹس امیر حسین بھٹی پر سنگین الزامات لگادیئے۔ سوشل میڈیا ٹاک شو ’’ٹاک شاک‘‘ میں اعزاز سید سےگفتگو کرتے ہوئے سابق جج شاہد جمیل نے دعویٰ کیا کہ جسٹس امیربھٹی نے پی ٹی آئی سے تعلق رکھنے والے اپنے داماد کو سیاسی فائدہ پہنچایا، مخصوص بینچ بنائے گئے، جسٹس امیربھٹی پر رشوت لینے کا بھی تاثر ہے۔ سابق جج شاہد جمیل ‎ کا کہنا تھا کہ ‎جسٹس امیربھٹی کے داماد نے وزارت ملنےکے بعد گھرکھانے پربلایا لیکن میں نہیں گیا، جسٹس امیربھٹی کی شہزاد اکبر سے ملاقات کے بعد انہیں کہا تھا کہ اچھی خبریں نہیں چل رہیں۔ انکا کہنا تھا کہ اسٹیبلشمنٹ کےخلاف کوئی کیس آتا تھا توسابق چیف جسٹس امیر بھٹی جسٹس علی باقرنجفی کے پاس لگاتے تھے، قمرباجوہ کے سمدھی صابر مٹھو نے تعیناتی سے پہلے ہی بتادیا تھا کہ انکی بات ہوگئی باجوہ چیف ہونگے، صابرمٹھو نے مختلف کیسز میں بھائی اور والدہ کے ذریعے پیغامات بھیجے۔
اہم خبریں سے مزید