• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اے پی این ایس کی سالانہ جنرل کونسل کا اجلاس کل ہوگا

آج کا اخبار
اہم خبریں
14 مارچ ، 2025
کراچی(نیوز ڈیسک) اے پی این ایس کے اعلامیہ کے مطابق آل پاکستان نیو زپیپرز سوسائٹی کی سالانہ جنرل کونسل کا اجلاس ہفتہ 15مارچ صبح 11بجے اے پی این ایس ہائوس کراچی میں منعقد ہوگا۔ سالانہ جنرل کونسل کے اجلاس میں اخباری صنعت کی موجودہ صورتحال پر غور اور رکن مطبوعات کو درپیش مسائل کے حل کیلئے اقدامات طے کیئے جائیں گے اور حکومت اور پریس کے تعلقات ،آزادی صحافت اور صنعت کے مستقبل جیسے معاملات پر سفارشات کو حتمی شکل دی جائے گی۔ اجلاس میں گزشتہ سال 2024-25کی ایگزیکٹو کمیٹی کی رپورٹ اورسال 2024کے سالانہ حسابات کی آڈٹ رپورٹ منظوری کیلئے پیش کی جائیں گی۔ جنرل کونسل کا اجلاس سال 2025-26کیلئے ایگزیکٹو کمیٹی کے اراکین کا انتخاب کرے گا،نومنتخب ایگزیکٹو کمیٹی نئی مدت کیلئے اپنے عہدیداروں کا انتخاب کرے گی ۔جنرل کونسل کے اجلاس میں صرف فل ممبرز مطبوعات ہی شرکت کرسکیں گے۔سیکرٹری جنرل نے فل ممبر مطبوعات کے ناشرین سے درخواست کی ہے کہ وہ کونسل کے سالانہ اجلاس میں اپنی شرکت کو یقینی بنائیں ۔
اہم خبریں سے مزید