فرمان الہی
نماز کے اوقات
کراچی کے علاقے سائٹ سپر ہائی وے سے پانچ روز قبل ملنے والی لاش کی شناخت کرلی گئی۔ پولیس نے قتل میں ملوث دو ملزمان کو گرفتار بھی کرلیا۔ پولیس حکام کا کہنا ہے کہ واقعہ غیرت کے نام پر پیش آیا۔
پولیس حکام کے مطابق چار جولائی کو سائٹ سپر ہائی وے کے علاقے خادم گوٹھ میں جھاڑیوں سے لاش ملی تھی جس کی شناخت بعد میں یوسف کے نام سے کی گئی۔ پولیس نے تحقیقات کا آغاز کیا تو قاتل ماجد اور اس کے ساتھی کو گرفتار کرلیا۔
ابتدائی تفتیش میں ملزم ماجد نے بتایا کہ وہ اور مقتول آپس میں رشتے دار ہیں اور اس نے غیرت کے نام پر یوسف کو قتل کیا۔ اس نے یوسف کو دھوکے سے خادم گوٹھ بلایا اور قتل کرکے لاش جھاڑیوں میں پھینک کر فرار ہوگیا۔
پولیس حکام کا کہنا ہے کہ واقعے میں ایک ملزم بھی شامل تھا جس کی تلاش میں مختلف مقامات پر چھاپے مارے جارہے ہیں۔ جلد ہی اسے بھی گرفتار کرلیا جائے گا ۔ واقعے کی مزید تحقیقات جاری ہے۔
