فرمان الہی
نماز کے اوقات
کراچی(اسٹاف رپورٹر) بلدیہ لکی پل کے قریب تیز رفتارگاڑی کی ٹکر سے 20 سالہ علی اور 28 سالہ حسین جاں بحق اور 30سالہ امام بخش زخمی ہوگیا ، ڈیفنس میں گاڑی کی ٹکر سے موٹرسائیکل سوار 55 سالہ محمد عمران جاں بحق ہوگیا،پولیس نے حادثے کے ذمہ دار ڈرائیور کو گرفتار کر لیا ، باغ کورنگی پل پر کمپنی کی کوسٹر اور ٹریلر میں تصادم کے نتیجے میں کوسٹر میں سوار مرد اورخواتین سمیت 12افراد زخمی ہوگئے،حادثے کے باعث پل پر ٹریفک جام ہوگیا، علاوہ ازیں سہراب گوٹھ سے واٹر پمپ جاتے ہوئے انڈر بائی پاس کی دیوار پر بیٹھا شخص نیچے گرگیا اور موقع پرجاں بحق ہوگیا، شناخت نہیں ہوسکی ، عمر 50 سال کے قریب ہے، دریں اثنا لانڈھی شیر پائو کالونی میں گھر سے 6 سے 7 روز پرانی تعفن زدہ لاش برآمد ہوئی،اسپتال میں لاش کی شناخت 45 سالہ یونس کے نام سے ہوئی متوفی گھر میں تنہارہتاتھا ، ڈیفنس فیز 5 اسٹریٹ 26 بدر کمرشل کے قریب 70سالہ فقیر احمد کی لاش ملی ،متوفی کورنگی کا رہائشی بتایا جاتا ہے، گڈاپ ٹائون میں واقع فارم ہائوس کے سوئمنگ پول میں ڈوب کر 3سالہ محمد یوسف جاں بحق ہوگیا ، جھیل پارک نجی بینک کے قریب سے 2نومولود بچوں کی لاشیں ملیں ،پولیس نے فلاحی ادارے کے حوالے کردیں، بنارس پل کے نیچے سے 22 سالہ نامعلوم نوجوان کی لاش ملی، نیا گولیمار کھادی گرائونڈ کے قریب فٹ پاتھ سے45سالہ نامعلوم شخص کی لاش ملی، لیاری چاکیواڑہ پولیس کوارٹر زکے قریب سے35سالہ نامعلوم شخص کی لاش ملی ،علاوہ ازیں صدر اسٹار سٹی مال کے قریب فٹ پاتھ سے45 سالہ نامعلوم شخص تشویس ناک حالت میں ملا جسے سول اسپتال منتقل کیا گیا جہاں وہ دوران علاج دم توڑگیا ،پولیس نے تمام لاشوں کو سردخانے منتقل کر دیا ہے۔
