• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100لفظوں کی کہانی

مبشر علی زیدی
آج کا اخبار
ادارتی صفحہ
26 جولائی ، 2024

وجہ ……

مجھے ہر کچھ دن بعد زکام ہو جاتا ہے،

میں نے درد کشا گولی لیتے ہوئے شکایت کی۔

ایسا کرونا ویکسین لگوانے کی وجہ سے ہوتا ہے،

ڈوڈو نے تشخیص کی۔

کل سیڑھیاں چڑھتے ہوئے آنکھوں کے سامنے اندھیرا چھا گیا تھا،

میں نے پیشانی رگڑی۔

ایسا کرونا ویکسین لگوانے کی وجہ سے۔۔۔

ڈوڈو نے پھر وہی بات کہی۔

آج کل نوجوان لوگ ہارٹ اَٹیک سے مر رہے ہیں،

میں نے موضوع بدلنا چاہا۔

ایسا کرونا ویکسین لگوانے۔۔۔

ڈوڈو مصر رہا۔

ڈوڈو کے بچے،تمھارا دماغ خراب ہو گیا ہے،

میں غصے سے چلایا۔

کرونا ویکسین۔۔۔

ڈوڈو نے تسلیم کیا۔

تازہ ترین