جمائما کا برطانیہ میں سفید فام نسل پرستوں کے حملوں پر ردِعمل

07 اگست ، 2024

معروف برطانوی فلمساز جمائما گولڈ اسمتھ بھی برطانیہ میں سفید فام نسل پرستوں کے ہاتھوں ایشیائی اور افریقی نژاد شہریوں پر حملوں کے واقعات پر بول پڑیں۔

جمائما گولڈ اسمتھ نے اپنی انسٹاگرام اسٹوری پرتشویش کا اظہار کرتے ہوئے لکھا کہ گزشتہ چند دنوں سے خوفناک بدمعاشی اور تشدد کیا جا رہا ہے۔

اُنہوں نے مزید لکھا کہ پچھلے کئی مہینوں سے سیاست دان، میڈیا اور متعصب افراد پاکستانی نژاد برطانوی شہریوں اور مسلمانوں کو نشانہ بنا رہے ہیں۔

برطانوی فلمساز نے لکھا کہ ہر اس شخص سے التجا ہے جو معاملات کو اپنے ہاتھ میں لینے کے بارے میں سوچ رہا ہے کہ اپنے بچوں کے مستقبل کی خاطر یہ یہ سب روک دیں۔

اُنہوں نے لکھا کہ انتہائی دائیں بازو کے لوگ تو چاہتے ہی یہ ہیں کہ گلی میں ہونے والی معمولی لڑائی کو بھی نسل پرستانہ جنگ کا رنگ دے دیا جائے۔

جمائما گولڈ اسمتھ نے مزید لکھا کہ ان لوگوں کی اصلیت سامنے آنے دیں اور پولیس کو ان بدمعاشوں سے نمٹنے دیں۔

خاص رپورٹ سے مزید