• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کیلیفورنیا: سینیٹ اور اسمبلی میں پاکستان کے یوم آزادی پر قرارداد منظور

آج کا اخبار
یورپ سے
10 اگست ، 2024
کیلیفورنیا( نیوز ڈیسک)کیلیفورنیا کی ریاستی سینیٹ اور ریاستی اسمبلی میں پاکستان کے یوم آزادی کی مناسبت سے مشترکا قرار داد منظور کی گئی ہے۔یہ قرارداد پاکستانی امریکن بزنس مین ڈاکٹر عمران شریف اور سینیٹر جوش نیومین کی کاوشوں کی بدولت منظور کی گئی۔قرارداد میں پاکستانی امریکی کمیونٹی کے اہم کردار کو تسلیم کیا گیا۔ تمام سینیٹرز نے ڈاکٹر عمران شریف کی کاوشوں کو سراہا۔قرارداد کی منظوری کے وقت پاکستان کے قونصل جنرل عاصم خان، عدنان خان، میکسم کے سی ای او عزیر حسن، عترت شریف اور دیگر بھی موجود تھے۔پاکستانی کمیونٹی کا کہنا ہے کہ یہ قرارداد پاکستان اور امریکا کی دوستی مستحکم کرنے کی جانب اہم سنگ میل ثابت ہو گی۔خیال رہے کہ کیلی فورنیا میں پاکستان کے یوم آزادی کی مناسبت سے ایک شایان شان پروگرام بھی منعقد کیا جائے گا جس میں پاکستانی اور امریکی شخصیات شرکت کریں گے۔
یورپ سے سے مزید