• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100لفظوں کی کہانی

مبشر علی زیدی
آج کا اخبار
ادارتی صفحہ
12 اگست ، 2024

نیزہ 

اسکول کی ٹیمیں بن رہی تھیں۔

مجھے بھی کھیلنے کا شوق تھا۔

میں نے کرکٹرز سے کہا،

مجھے اپنے ساتھ ٹیم میں شامل کرلیں۔

نہیں، ہمارے کھلاڑی پورے ہیں۔

تم کوئی اور کھیل کھیلو،

کرکٹرز نے ٹکا سا جواب دیا۔

مجھے کافی مایوسی ہوئی۔

پھر میدان کے دوسری جانب گیا۔

کیا آپ مجھے ٹیم میں شامل کرنا چاہیں گے؟

میں نے ہاکی کے کوچ سے پوچھا۔

نہیں، ہماری ٹیم پوری ہے۔

تم کسی اور کھیل میں ٹرائی کرو۔

ہاکی کے کوچ نے مشورہ دیا۔

آخر میں نے کرکٹ کا بیٹ اور ہاکی ایک طرف رکھ دیے،

اور نیزہ اٹھا لیا۔

تازہ ترین