شادی کا سب اہم لمحہ وہ تھا جب رسومات کے دوران اذان کی آواز آرہی تھی، ظہیر اقبال

13 اگست ، 2024

بالی ووڈ کی معروف اداکارہ سوناکشی سنہا اور ظہیر اقبال کی شادی کی تقریب اس سال 23 جون کو ممبئی میں نجی طور پر منعقد ہوئی، جس میں قریبی دوست اور رشتے شریک ہوئے۔

ایک حالیہ انٹرویو میں دونوں نے کہا کہ انکی شادی کی تقریب نہایت ہی مسحور کن تھی۔ ظہیر اقبال نے ان لمحات کا ذکر کیا جب کنیادان کی رسم (ہندو رواج کے مطابق والدین لڑکی کا ہاتھ لڑکے میں دیتے ہیں) ہوئی۔

دونوں سے انٹرویو کے دوران پوچھا گیا کہ وہ انفرادی طور پر اپنی شادی کا سب اہم لمحہ بتائیں تو ظہیر اقبال نے تو کنیادان کی رسم کا ذکر کیا اور کہا یہ میری زندگی کا سب سے حسین لمحہ تھا۔

انھوں نے کہا اس رسم میں پندرہ منٹ کی تاخیر بھی ہوئی اور ہم سب بیٹھے تو میں نے انکا ہاتھ تھاما، ہم دعائیں کر رہے تھے، اس دوران سوناکشی نے مجھ سے کہا کیا آپ سن رہے ہیں اذان ہورہی ہے۔ تو یہ بہت خوبصورت لمحہ تھا۔

پنڈت اپنے منتر پڑھ رہے تھے، جبکہ شادی کی رسومات کے پس منظر میں اذان کی آواز بھی آ رہی تھی، میں نے محسوس کیا کہ کہ یہ آسمانی رضامندی تھی، جس پر سوناکشی نے بھی اقرار کیا کہ ہاں ایسا ہی ہے۔

انٹرٹینمنٹ سے مزید