فرمان الہی
نماز کے اوقات
بریڈفورڈ(زاہدانور مرزا) یوم آزادی پاکستان کے موقع پر قونصلیٹ آف پاکستان بریڈ فورڈ میں پرچم کشائی کی رنگا رنگ تقریب کا اہتمام کیا گیا جس میں قونصل جنرل زاہد جتوئی نے پاکستانی کمیونٹی کے ہمراہ قومی ترانے کی دھن پر سبز ہلالی پرچم فضا میں بلند کیا اور یوم آزادی کا کیک کاٹا۔ اس موقع پر قونصلیٹ کے اتاشی محمد سرفراز نے صدر پاکستان، وزیراعظم پاکستان، نائب وزیراعظم پاکستان کے پیغامات پڑھ کر سنائے۔ میڈیا سے گفتگو کرتے ہوئے قونصل جنرل زاہد جتوئی، ممبر آف پارلیمنٹ ناز شاہ اور دیگر نے اہل وطن کو مبارکباد دیتے ہوئے کہا کہ یوم آزادی پر ہم ان لوگوں کو خراج عقیدت پیش کرتے ہیں جن کی قربانیوں کی وجہ سے ہم آزاد حیثیت سے زندگی بسر کر رہے ہیں اور اب ہمیں پاکستان کی ترقی اور خوشحالی کیلئے مل کر کام کرنا ہو گا تقریب کے اختتام پر برطانیہ اور پاکستان سے آئے ہوئے فنکاروں نے پاکستانی ملی نغمے سنانے کے ساتھ ساتھ مخصوص انداز میں ڈھول بجا کر شرکا کو محظوظ کیا یوم پاکستان کی تقریب میں ہیلی فیکس، لیڈز، بریڈفورڈ اور گرد و نواح سے پاکستانی و کشمیری کمیونٹی کی شخصیات معروف کشمیری رہنما راجہ نجابت حسین، پاکستان تحریک انصاف کے رہنما آصف خان، پاکستان پیپلز پارٹی کے رہنما آصف نسیم راٹھور ،پاک کشمیر سوسائٹی کے چیئرمین الحاج رب نواز اختر اور دیگر نے شرکت کی۔
