دیامر کے گاؤں میں آگ لگنے سے 50 سے زائد گھر متاثر

دیامر کے گاؤں ملدوکش میں آگ لگنے سے لکڑی سے بنے 50 سے زائد گھر متاثر ہوئے ہیں۔

پولیس کے مطابق واقعہ رات گئے پیش آیا، دور دراز کا علاقہ ہونے کی وجہ سے دیر سے اطلاع ملی۔

متاثرہ علاقے کے لوگوں کی جانب سے امداد کی اپیل بھی کی گئی ہے۔

دوسری جانب وزیرِ اعلیٰ گلگت بلتستان حاجی گلبر خان نے واقعے کا نوٹس لے لیا۔

وزیرِ اعلیٰ گلگت بلتستان حاجی گلبر خان نے مقامی انتظامیہ کو متاثرہ افراد کی امداد کی ہدایات کر دیں۔