ہر غیر آئینی اقدام کیخلاف وکلاء باہر نکلے ہیں، پی ٹی آئی وکلاء رہنما

پاکستان تحریک انصاف (پی ٹی آئی) کے وکلاء رہنماؤں نے کہا ہے کہ ہر غیر آئینی اقدام کے خلاف وکلاء باہر نکلے ہیں۔

سپریم کورٹ کے باہر پی ٹی آئی رہنما بیرسٹر علی ظفر، نیا اللّٰہ نیازی، شعیب شاہین نے میڈیا سے گفتگو کی۔

بیرسٹر علی ظفر نے کہا کہ اگر آئینی ترمیم کا ڈرافٹ وہی ہے، جو سامنے آیا ہے تو پھر یہ آئینی عدالت بنانا چاہتے ہیں۔

ہمارے 2 ارکان اس وقت رابطے میں نہیں، بیرسٹر گوہر

چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ ہمارے 2 اراکان اس وقت رابطے میں نہیں ہیں۔

شعیب شاہین نے کہا کہ مجوزہ آئینی ترامیم کو اصلاحات کا نام نہ دیں بلکہ اسے فساد کا نام دیں۔

نیاز اللّٰہ نیازی نے کہا کہ ہر غیر آئینی اقدام کے خلاف وکلاء باہر نکلے ہیں، جو غیر آئینی ترامیم آئی ہیں، اس کے خلاف پرامن احتجاج کی کال دی ہے۔

انہوں نے کہا کہ لاہورمیں آل پاکستان کنونشن ہورہا ہے، ہم آئین کی بالادستی کے لیے کھڑے ہیں، سیاست سے بالا تر ہوکر تمام وکلاء متحد ہیں۔