فرمان الہی
نماز کے اوقات
چیئرمین پی سی بی محسن نقوی نے آئی سی سی چیمپئنز ٹرافی ٹورنامنٹ کے لیے ضروری کمیٹیاں تشکیل دینے کی ہدایت کر دی۔
نیشنل کرکٹ اکیڈمی لاہور میں چیئرمین پاکستان کرکٹ بورڈ محسن نقوی کی صدارت میں اجلاس ہوا، جس میں آئی سی سی چیمپئنز ٹرافی ٹورنامنٹ 2025ء کی تیاریوں کا جائزہ لیا گیا۔
اجلاس میں فیصل آباد میں جاری چیمپئنز ون ڈے کپ اور اسٹیڈیمز اپ گریڈیشن پروجیکٹ کا بھی جائزہ لیا گیا۔
اجلاس میں چیف آپریٹنگ افسر سلمان نصیر، چیف فنانشل افسر جاوید مرتضی، پی سی بی کے تمام ڈائریکٹرز اور متعلقہ حکام نے شرکت کی۔
اس موقع پر گفتگو کرتے ہوئے چیئرمین پی سی بی نے کہا کہ آئی سی سی چیمپئنز ٹرافی کے حوالے سے فوری ضروری کمیٹیاں تشکیل دی جائیں، ہر کمیٹی کی ذمے داریاں طے کی جائیں اور کام شروع کیا جائے۔
انہوں نے کہا کہ چیمپئنز ٹرافی ٹورنامنٹ میں دنیا کی بڑی ٹیمیں آ رہی ہیں، انتظامات خوب سے خوب تر ہونے چاہئیں۔
محسن نقوی نے اسٹیڈیمز کی اپ گریڈیشن پروجیکٹ پر کام کی رفتار تیز کرنے کی ہدایت کی اور کہا کہ اسٹیڈیمز کے کام کو مقررہ مدت میں مکمل کرنے کے لیے کوئی کسر چھوڑی جائے۔
پی سی بی کے چیئرمین کا کہنا ہے کہ اپ گریڈیشن کے بعد شائقین کرکٹ کا ویو بہتر ہو گا اور میچ کو بہت انجوائے کریں گے۔
انہوں نے کہا کہ چیمپئنز کپ کے میچز میں فیصل آباد کے شہریوں کا جوش و خروش قابلِ ستائش ہے، فیصل آباد میں پی ایس ایل میچ کرانے کا جائزہ لیں گے۔
