کراچی میں حزب اللّٰہ کے سربراہ حسن نصر اللّٰہ  کے قتل کے خلاف ریلی کے شرکاء اور پولیس کے درمیان جھڑپوں میں ایک پولیس اہلکار زخمی ہوگیا۔

اسرائیلی حملے میں حسن نصراللّٰہ  کی  اسرائیلی حملے میں شہادت کے خلاف کراچی میں ریلی نکالی گئی۔

جماعت اسلامی کے سابق سینیٹر مشتاق احمد کو اہلیہ سمیت گرفتار کرلیا گیا

اسلام آباد پولیس نے سابق سینیٹر مشتاق احمد کی اہلیہ کو بھی حراست میں لے لیا ہے۔

مظاہرین کو ایم ٹی خان روڈ پر روک دیا گیا تھا، جس پر مظاہرین نے پتھراؤ کیا تو پولیس کی جانب سے شیلنگ بھی کی گئی، پتھراؤ سے  ایک پولیس اہلکار زخمی ہوگیا۔

 مظاہرین کے پتھراؤ سے متعدد صحافی زخمی ہوگئے، ایم ٹی خان روڈ پر مظاہرین نے ایک موٹرسائیکل کو آگ لگا دی، بعد ازاں مظاہرین دھرنا ختم کرنے کے بعد منتشر ہوگئے۔

وزیر داخلہ سندھ نے ڈی آئی جی ساؤتھ سے تفصیلات طلب کرلیں

دوسری جانب وزیر داخلہ سندھ ضیاء الحسن لنجار نے ڈی آئی جی ساؤتھ سے تفصیلات طلب کرلیں۔

 وزیر داخلہ سندھ نے  کہا کہ صحافیوں سمیت عام شہریوں کو ریسکیو کیا جائے،  ہنگامہ آرائی، پتھراؤ اور مشتعل افراد کو روکنے کیلئے مزید پولیس طلب کی جائے۔

انہوں نے کہا کہ قانون کی رٹ اور شہریوں کی جان و مال کے تحفظ کیلئے ہر ممکن اقدام کیا جائے۔