علی امین گنڈاپور کی مبینہ گمشدگی کیخلاف احتجاج، پی ٹی آئی کارکنان کے پی اسمبلی گیلری میں داخل

وزیر اعلیٰ خیبر پختونخوا علی امین گنڈاپور کی مبینہ گمشدگی کے خلاف احتجاج کرتے ہوئے پی ٹی آئی کارکنان کے پی اسمبلی گیلری میں داخل ہوگئے،  ایوان میں اراکین اسمبلی موجود نہیں ہیں۔

پاکستان تحریک انصاف (پی ٹی آئی) کے کارکنوں نے پشاور میں اسمبلی چوک پر احتجاج بھی کیا۔ کارکنان ریڈ زون میں داخل ہوگئے اور گیٹ توڑ دیا۔

خیبرپختونخوا اسمبلی کا ہنگامی اجلاس 2 گھنٹے بعد بھی شروع نہ ہو سکا

خیبر پختونخوا ہاؤس اسلام آباد میں پیدا صورتحال پر بھی بحث ایجنڈے میں شامل ہے۔

ضلعی صدر پی ٹی آئی عرفان سلیم کی قیادت میں  احتجاج کرتے ہوئے کارکنان نے وزیر اعلیٰ علی امین کے حق میں نعرے لگائے۔ اس موقع پر پولیس کی بھاری نفری بھی تعینات رہی۔

خیبر پختونخوا اسمبلی ہال کے سامنے مظاہرین نے وزیراعلیٰ کے پی کی رہائی کیلئے نعرے بھی لگائے۔

دوسری جانب علی امین گنڈاپور کی گمشدگی پر قانونی مشاورت سے متعلق خیبر پختونخوا اسمبلی کا اجلاس تاخیر کا شکار ہے۔