توشہ خانہ کیس ٹو: بشریٰ بی بی کی درخواست ضمانت سماعت کیلئے مقرر

اسلام آباد ہائی کورٹ میں توشہ خانہ ٹو کیس سے متعلق بانی پی ٹی آئی عمران خان کی اہلیہ بشریٰ بی بی کی درخواست ضمانت کل سماعت کےلیے مقرر کرلی گئی۔ 

اسلام آباد ہائی کورٹ کے جسٹس میاں گل حسن اورنگزیب اس درخواست پر سماعت کریں گے۔ 

توشہ خانہ کیس ٹو: بانیٔ پی ٹی آئی، بشریٰ بی بی پر فردِ جرم عائد کرنے کی کارروائی مؤخر

بانیٔ پی ٹی آئی اور بشریٰ بی بی کے خلاف توشہ خانہ کیس ٹو میں فردِ جرم عائد کرنے کی کارروائی مؤخر کر دی گئی۔

عدالت نے ایف آئی اے کو درخواست ضمانت پر جواب داخل کروانے کےلیے نوٹس بھی جاری کر رکھا ہے۔

اسپیشل جج سینٹرل نے بشریٰ بی بی کی درخواست ضمانت مسترد کردی تھی۔ بشریٰ بی بی نے ٹرائل کورٹ کے فیصلے کے خلاف ہائی کورٹ سے رجوع کر رکھا ہے۔