اے سی سی ایمرجنگ ٹی ٹوئنٹی ایشیاء کپ، پاکستان شاہینز ٹیم اومان پہنچ گئی

پاکستان شاہینز ٹیم اے سی سی ایمرجنگ ٹی ٹوئنٹی ایشیاء کپ میں شرکت کے لیے اومان پہنچ گئی۔

پاکستان شاہینز کے 15 رکنی اسکواڈ کی قیادت محمد حارث کر رہے ہیں، ٹیم اپنا پہلا میچ بھارت اے کے خلاف 19 اکتوبر کو کھیلے گی۔

پاکستان شاہینز ٹیم 21 اکتوبر کو میزبان اومان اور 23 اکتوبر کو یو اے ای کے خلاف میدان میں اترے گی۔

ڈریسنگ روم میں بھارت کیخلاف میچ پر بات کرنے پر پابندی ہے، محمد حارث

ایمرجنگ ایشیاء کپ میں ہدف صرف بھارتی نہیں بلکہ تمام ہی ٹیمیں ہیں۔ ڈرسنگ روم میں بھارت کی بات کرکے پریشر نہیں بنانا چاہتے، کپتان پاکستان شاہینز

ٹورنامنٹ کے دونوں سیمی فائنل 25 اکتوبر جبکہ فائنل 26 اکتوبر کو کھیلا جائے گا۔

یاد رہے کہ پاکستان شاہینز نے 11 سے 15 اکتوبر تک کراچی میں ٹریننگ کیمپ کیا تھا۔