نک جونس دورانِ کنسرٹ خوفزدہ ہو کر اسٹیج سے بھاگ گئے

عالمی شہرت یافتہ بھارتی اداکارہ پریانکا چوپڑا کے شوہر و امریکی گلوکار نک جونس پراگ میں کنسرٹ کے دوران خوف زدہ ہو کر اسٹیج سے بھاگ گئے۔

نک جونس کی سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ گلوکار کنسرٹ کے دوران اس وقت خوفزدہ ہوئے جب شائقین  میں سے کسی شخص نے ان پر لیزر لائٹ ماری۔

امریکی گلوکار خوفزدہ ہونے کے بعد فوراً بھاگ کر اسٹیج سے نیچے اُتر آئے اور اپنی سیکیورٹی ٹیم کو الرٹ کیا۔

کنسرٹ میں نک جونس کے بھائی جو جونس اور کیون جونس بھی اسٹیج پر موجود تھے اور جب یہ واقعہ پیش آیا تو دونوں بھائی اسٹیج پر ہی رہے۔

نک جونس انفلوئنزا اے کا شکار ہوگئے

معروف امریکی گلوکار و اداکار نک جونس نے انفلوئنزا اے کا شکار ہونے کے بعد مداحوں سے معافی مانگ لی۔

امریکی گلوکار کو لیزر سے نشانہ لگانے والے شخص کو ڈھونڈ کر سیکیورٹی ٹیم نے فوری طور پر کنسرٹ سے باہر نکال دیا۔

نک جونس کی اس وائرل ویڈیو پر ان کے مداح گلوکار کے محفوظ ہونے پر خوشی کا اظہار جبکہ اُنہیں لیزر لائٹ سے نشانہ بنانے والے شخص پر شدید تنقید کرتے نظر آ رہے ہیں۔