• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نئے ڈرامہ سیریل ”یحییٰ“ کا آج سے آغاز

آج کا اخبار
اہم خبریں
01 نومبر ، 2024
کراچی (جنگ نیوز) ایک نئے اور منفرد موضوع کا انتخاب لئے ”سیونتھ اسکائی انٹرٹینمنٹ“ کے بینر تلے تخلیق کیا گیا نیا ڈرامہ سیریل ”یحییٰ“ جمعہ سے ”جیو ٹی وی“ پر شروع ہوگا۔ ڈرامے کی جذبات سے بھر پور کہانی میں ناظرین منتوں اور مرادوں سے پروان چڑھنے والے اکلوتے بھائی کی دِل چھولینے والی کہانی دیکھ سکیں گے۔ ڈرامے کی اسٹار کاسٹ میں بہروز سبزواری، مرینہ خان، ماہم عامر اور حرا سومرو شامل ہیں۔ شکیل سہیل کی شاعری ”لمحوں میں جینا سکھادو“ کو ڈرامہ سیریل کے او ایس ٹی“ کی صورت احمد علی کی گائیکی کے ساتھ سرمد غفور نے تخلیق کیا ہے۔ معاشی حالات، معاشرتی پابندیاں کیا ”یحییٰ“ کے خوابوں کو اُڑان بھرنے دیں گی؟ یہی سب ناظرین پروڈیوسرز عبداللہ کادوانی اور اسد قریشی کے نئے سیریل میں ملاحظہ کرسکیں گے۔ناظرین ڈرامہ سیریل ”یحییٰ“ ہر جمعہ اور ہفتے کی شب 8 بجے ”جیو ٹی وی“ سے دیکھ سکیں گے۔
اہم خبریں سے مزید