• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عالمی اسنوکر چیمپئن شپ: پاکستان کے تین کھلاڑی کوارٹر فائنل میں پہنچ گئے

آج کا اخبار
یورپ سے
02 نومبر ، 2024
دوحہ( نیوز ڈیسک) پاکستان کے تینوں کھلاڑیوں نے آئی بی ایس ایف عالمی اسنوکر چیمپئن شپ 2024 کے پری کوارٹر فائنل میں جگہ بنالی۔ دوحا، قطر سے موصولہ اطلاعات کے مطابق 32 کھلاڑیوں کے راؤنڈ میں پاکستان کے احسن رمضان نے سوئیڈن کے شیوان محمد علی کو 0-4سے شکست دے دی۔ پاکستان ہی کے اسجد اقبال نے بھی ایک آسان مقابلے میں ترکی کے کیوئسٹ ملیح ایگمین کو کوئی فریم ہارے بغیر 0-4 سے مات دے دی جبکہ سابق عالمی چیمپئن محمد آصف نے ایک فریم کی قربانی دیکر فن لینڈ کے جیسن سورمینون کو 1-4 سے ٹھکانے لگایا۔ کوارٹر فائنل کے لیے محمد آصف کا ہم وطن اسجد اقبال سے مقابلہ ہوگا جبکہ احسن رمضان کو سری لنکا کے طحہٰ اریشھاتھ سے سامنا درپیش ہوگا۔
یورپ سے سے مزید