• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فصلوں کی باقیات، آتش بازی، دہلی کی آلودہ فضا نے لاہور کو متاثر کیا، عالمی میڈیا

آج کا اخبار
اہم خبریں
05 نومبر ، 2024
کراچی ( رفیق مانگٹ) لاہور ان دنوں فضائی معیار کے عالمی انڈیکس میں اپنی آلودگی کی وجہ سے سرفہرست ہونے کی وجہ سے سرخیوں میں ہے۔برطانوی اخبار گارجین کے مطابق سموگ کی ایک وجہ دونوں ممالک میں فصلوں کی باقیات کو جلانے کا رواج ہے۔ ہندوستان اور پاکستان میں غیر قانونی ہونے کے باوجود، نفاذ کمزور ہے۔سی این این کے مطابق سردیوں کا آغاز بھوسے کو جلانے کے موسم کے ساتھ ہوتا ہے، ہندوستان اور پاکستان دونوں نے اس کو روکنے کی کوشش کی، لیکن یہ اب بھی بہت زیادہ ہے۔دہلی کی آلودہ فضا جس نے لاہور کو بھی متاثر کیا اس کی ایک وجہ یہ ہے کہ لوگوں نے دیوالی مناتے ہوئے آتش بازی پر پابندی کو نظر اندازکیا۔ جاپانی میگزین دی ڈپلومیٹ کے مطابق موسم سرما کے آغاز میں فصلوں کی باقیات کو جلا یا جاتا ہےجو گنگا کے میدانی علاقوں میں فضائی آلودگی کو نمایاں طور پر بڑھا دیتا ہے۔ اس کے کئی منفی نتائج ہیں، ماحولیاتی انحطاط سے لے کر صحت کے سنگین خدشات تک۔یہ فصل جلانے کا موسم عام طور پر نومبر میں دو سے چار ہفتوں تک رہتا ہے۔ اس مدت کے دوران، مصنوعی سیارہ اکثر وسیع دھوئیں اور آگ کی بڑھتی ہوئی سرگرمیوں کی تصاویر کھینچتے ہیں، جو بنیادی طور پر شمال مغربی ہندوستان میں باقیات جلانے کی ہوتی ہیں۔بی بی سی نے بھی چند سال قبل رپورٹ دی کہ ناسا کے سیٹلائٹ کے اعداد و شمار سے پتہ چلتا ہے کہ ہندوستانی طرف آگ کا زیادہ ارتکاز اور سرحد کے پاکستان کی طرف بہت کم۔ لاہور اور دہلی میں، چیزوں کا گاڑیوں کے دھوئیںکا اخراج، کوڑا کرکٹ جلانا اور صنعتی فضلہ بھی سموگ کا سبب بنتا ہے۔
اہم خبریں سے مزید