• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بریکوٹ اور ہنگو میں فورسز کے آپریشنز، فتنہ الخوارج کے 4 دہشت گرد ہلاک

آج کا اخبار
اہم خبریں
27 جولائی ، 2025
پشاور (جنگ نیوز)بریکوٹ اور ہنگو میں  فورسز کے آپریشنز،فتنہ الخوارج کے 4دہشتگرد ہلاک  ، سی ٹی ڈی کی بریکوٹ میں کارروائی ، فتنہ الخوارج کے 3مطلوب دہشتگرد ہلاک، ہنگو میں ڈی پی او پر حملے میں ملوث  دہشتگرد مارا گیا۔ محکمہ انسداد دہشت گردی (سی ٹی ڈی) سوات کو اہم کامیابی ملی ہے اور بریکوٹ میں فتنہ الخوارج کے3مطلوب دہشت گردوں کو ہلاک کر دیا گیا۔سی ٹی ڈی نے فتنہ الخوارج کے 3 اہم کارندے ہلاک کردیے، سی ٹی ڈی سوات کے کامیاب آپریشن میں اجمل عرف وقاص سمیت 3 دہشت گرد جہنم واصل ہوئے۔ ولیج ڈیفنس کونسل کے ارکان کے قاتل اجمل کے سر کی قیمت 20 لاکھ مقرر تھی۔سی ٹی ڈی نے اپنے بیان میں کہا کہ مارے جانے والے دہشت گرد سکیورٹی فورسز پر حملوں، پولیس اہلکاروں کی شہادتوں میں ملوث تھے، بیرونی فنڈنگ سے دہشت گردی پھیلانے والا نیٹ ورک تباہ، دہشت گرد آئی ای ڈی حملوں اور بھتہ خوری کے مقدمات میں بھی مطلوب تھے۔سی ٹی ڈی کی یہ کارروائی سوات اور ملحقہ علاقوں میں فتنہ الخوارج کے آپریشنل ونگز پر کاری ضرب ہے، فتنہ الخوارج کو جڑ سے اکھاڑ پھینکنے کے لیے پر عزم ہیں۔انسپکٹر جنرل آف پولیس (آئی جی پی) خیبرپختونخوا ذوالفقار حمید اور ریجنل پولیس افسر (آر پی او) مالاکنڈ ڈویژن شیر اکبر خان نے فتنہ الخوارج کے آپریشنل کمانڈ ونگ پر کاری ضرب لگانے پر علاقائی پولیس اور سی ٹی ڈی سوات کی تعریف کی ہے اور کہا کہ خیبرپختونخوا میں دیر پا امن و امان کے قیام کے لیے دہشت گردوں کے خلاف کارروائیوں کا سلسلہ مزید تیز کیا جائے گا۔دوسری جانب ہنگو میں کارروائی کے دوران پولیس اور ڈسٹرکٹ پولیس افسر (ڈی پی او) پر حملے میں ملوث دہشت گرد مارا گیا، اس دوران دہشت گردوں سے فائرنگ کے تبادلے میں پولیس کی گاڑی کو جزوی نقصان پہنچا۔
اہم خبریں سے مزید