• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسرائیل، حماس جنگ کا خاتمہ چاہتے ہیں، ترجمان امریکی ریپبلکن پارٹی

آج کا اخبار
یورپ سے
09 نومبر ، 2024
واشنگٹن( نیوز ڈیسک)امریکی صدارتی الیکشن کی فاتح جماعت ریپبلکن کی ترجمان نے کہا ہے کہ ڈونلڈ ٹرمپ فیصلہ کن فتح کے ساتھ اسرائیل جنگ جلد ختم کرنا چاہتے ہیں۔یہ بات ریپبلکن پارٹی کی ترجمان الزبتھ پپکو نےمیڈیا سے بات کرتے ہوئےاس سوال کے جواب میں کی جس میں پوچھا گیا تھا کہ ٹرمپ نے فاتحانہ خطاب میں نئی جنگیں نہ چھیڑنے اور جاری جنگیں روکنے کا عہد کیا۔فاتح جماعت کی ترجمان نے اسرائیل، حماس جنگ کی طوالت کے لیے موجودہ صدر جوبائیڈن کی انتظامیہ کو مورد الزام ٹھہراتے ہوئے کہا کہ امریکی سیاسی تحفظات نے وہاں غیر ضروری خونریزی کی ہے، ریپبلکن پارٹی کی ترجمان نے مزید کہا امریکا کے نومنتخب صدر ڈونلڈ ٹرمپ فیصلہ کن فتوحات کے ساتھ اسرائیل کو جلد اپنی جنگیں سمیٹتے ہوئے دیکھنا چاہتے ہیں۔ترجمان نے اس توقع کا اظہار کیا کہ ٹرمپ اسرائیلی جنگوں کو جیت کر ختم کر دیں گے، سو فیصد، اُسی طرح جیسے وہ جنگوں کو ہمیشہ کیلئے ختم کرنے کی بات کرتے آئے ہیں۔ ریپبلکن پارٹی کی ترجمان نے مزید کہا کہ حماس کے 7اکتوبر 2023کے اسرائیل پر حملے کے وقت اگر ٹرمپ صدر ہوتے تو مجھے یہ بھی یقین ہے کہ 8اکتوبر کا ردعمل بہت مختلف ہوتا۔ترجمان نے کہا کہ ڈونلڈ ٹرمپ کی ہمیشہ سے کوشش رہی ہے کہ کم سے کم معصوم جانوں کا نقصان ہو۔دوسری جانب ماہرین کا کہنا ہے کہ اگر امریکی یرغمالی رہا نہ ہوئے تو ٹرمپ حماس اور حزب اللہ پر فیصلہ کن حملوں کے لیے اسرائیل کی مدد کریں گے۔ 
یورپ سے سے مزید