• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پہلی بار سعودی عرب کے صحرا نے برف کی چادر اوڑھ لی

آج کا اخبار
یورپ سے
09 نومبر ، 2024
ریاض (نیوزڈیسک) تاریخ میں پہلی بار سعودی عرب کے صحرا نے برف کی چادر اوڑھ لی۔سعودی عرب کے صحرائی علاقے الجوف میں پہلی بار برف باری ریکارڈ کی گئی جس نے دیکھنے والوں کو حیران کردیا۔ میڈیا رپورٹس کے مطابق موسمیاتی تبدیلیوں کی وجہ سے دنیا کے بیشتر ممالک کی طرح سعودی عرب بھی متاثر ہورہا ہے۔ سعودی عرب کا شمار صحرائی اور گرم علاقوں میں ہوتا ہے لیکن مملکت میں تیز بارشیں، ژالہ باری، آبشاریں بننے، پہاڑوں اور صحراؤں میں ہریالی بھی معمول بن گئی ہے۔ اسی حوالے سے عرب امارات کے نیشنل سینٹر آف میٹرولوجی کی جانب سے بتایا گیا ہے کہ یہ سسٹم بھاری مقدار میں ہوا میں نمی اور صحرا کی گرمی سے ٹکرانے کے بعد بنا جس کے سبب گرج، اولے اور برف باری ہوئی۔ برف باری کے بعد صحرائی علاقے الجوف کا منظر ہی بدل گیا جسے دیکھنے کیلئے بڑی تعداد میں شہریوں نے وہاں کا رخ کرلیا جب کہ برف سے ڈھکے صحرا سے مختلف ویڈیوز اور تصاویر سوشل میڈیا پر بھی وائرل ہو رہی ہیں۔
یورپ سے سے مزید