• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مرکزی مسلم لیگ بلوچستان کے زیر اہتمام فری میڈیکل کیمپ کا انعقاد

میرا شہر
کوئٹہ
13 نومبر ، 2024
کوئٹہ(اسٹاف رپورٹر)مرکزی مسلم لیگ بلوچستان کے شعبہ خدمت خلق کے زیر اہتمام شاہی قلعہ ظفر آباد میں فری میڈیکل کیمپ کا انعقاد کیا گیا ، جس میں مریضوں کا مفت معائنہ کیا اور ادویات فراہم کی گئیں ، مرکزی مسلم لیگ بلوچستان کے صدر حافظ محمد امجد اسلام ، نواب ظفر اللہ خان شاہوانی ، ملی لیبر فیڈریشن بلوچستان کے صدر میر شکر خان رئیسانی ، فنانس سیکرٹری بلوچستان آغا نسیم ، نائب صدر بابر مغل نے فری میڈیکل کیمپ کا دورہ کیا ۔ اس موقع پر بات چیت کرتے ہوئے حافظ محمد امجد اسلام نے کہا کہ میڈیکل کیمپ میں 800 سے زائد مریضوں کا فری چیک اپ اور مفت ادویات دی گئیں ، مرکزی مسلم لیگ انسانیت کی خدمت کا منشور لے کر میدان میں آئی ہے ،ہم اپنی مدد آپ کے تحت بلوچستان میں صحت اور تعلیم کے شعبوں پر کام کریں گے خدمت خلق عین عبادت ہے مرکزی مسلم لیگ یتیموں ، بیواؤں ، غریبوں ، بے سہارا افراد کی خدمت کیلئے دن رات کوشاں ہے۔
کوئٹہ سے مزید