فرمان الہی
نماز کے اوقات
کراچی (اسٹاف رپورٹر) جنوبی افریقا کر کٹ بورڈ کے حکام چیمپئنز ٹرافی کی پاکستان سے جنوبی افریقا منتقلی اور اس کی میزبانی کے حوالے سے خبروں سے لاعلم نکلے۔ ان کا کہنا ہے کہ نہ کسی نے رابطہ کیا اور نہ ہی ہمارے لئے کم وقت میں اتنا بڑا ایونٹ کرانا ممکن ہے۔ ذرائع کے مطابق آئی سی سی میں تاحال جنوبی افریقا کے آپشن پر کوئی بات چیت نہیں ہوئی۔دوسری جانب بعض کر کٹ ویب سائٹ کا دعوی ہے کہ بھارتی ٹیم پاکستان جزوی طور پر جانے کو تیار ہوجائے گی، تاہم پاک بھارت میچ دبئی میں ہوگا۔ سیمی فائنل یا فائنل میں پاکستان اور بھارت مدمقابل ہوئے تو میچ پاکستان میں ہوگا۔ اس سے قبل بھارتی میڈیا نے شوشا چھوڑا تھا کہ بھارت کی معذرت او ر پاکستان کے ہائی برڈ ماڈل سے انکار کے بعد پورا ٹورنامنٹ جنوبی افریقا منتقل کردیا جائے گا۔
