• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبر پختونخوا اور بلوچستان میں سکیورٹی فورسز کی کارروائیاں، 7 دہشتگرد ہلاک

آج کا اخبار
اہم خبریں
14 نومبر ، 2024
اسلام آباد (نامہ نگار خصوصی، نمائندہ خصوصی) خیبر پختونخوا اور بلوچستان میں سکیورٹی فورسز کی کارروائیاں ،7دہشتگرد ہلاک ہو گئے ، مالا کنڈ میں جھڑپ ، 4دہشتگرد ہلاک ،کیچ میں خود کش حملہ آور عدیلہ بلوچ کو تربیت فراہم کرنے والا بھی ماراگیا ، خیبر پختونخوا کے علاقے مالاکنڈ کے علاقے پلئی شاہ کوٹ میں کاؤنٹر ٹیررازم ڈیپارٹمنٹ (سی ٹی ڈی) اور دہشتگردوں میں جھڑپ کے دوران چار دہشتگرد مارے گئے۔ ذرائع نے بتایا کہ سی ٹی ڈی اور دہشتگردوں کے درمیان کئی گھنٹے تک فائرنگ کا تبادلہ ہوا۔ ادھر ایک اور کامیاب آپریشن کے دوران سکیورٹی فورسز نے بلوچستان کے علاقے کیچ میں 3 دہشتگردوں کو ہلاک کردیا، جن سے بھاری تعداد میں اسلحہ وگولہ بارود برآمد کر لیا گیا، مارے جانے والوں میں خود کش حملہ آور عدیلہ بلوچ کو تربیت فراہم کرنے والا ثنا عرف بارو بھی شامل ہے۔
اہم خبریں سے مزید