• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میڈیکل طلبہ کی عالمی فیڈریشن سے اسرائیل کا اخراج

آج کا اخبار
یورپ سے
17 نومبر ، 2024
نیویارک (نیوز ڈیسک) میڈیکل کے طلبہ کی بین الاقوامی تنظیم انٹرنیشنل فیڈریشن آف میڈیکل اسٹوڈنٹس ایسوسی ایشن (افمسا) آئی ایف ایم ایس اے نے اسرائیلی میڈیکل کے طلبہ کی تنظیم کو اس بین الاقوامی ادارے سے نکال دیا۔ اخبار ہارٹنر نے خبر دی ہے کہ پیشگی اطلاع یا تحریر کے بغیر فیڈریشن کے اجلاس میں ووٹنگ شروع ہوگئی اور اسرائیلی تنظیم کو نکال باہر کر دیا گیا۔ اسرائیلی تنظیم کی سربراہ مری شویمر نے شکوہ کیا ہے کہ یہ قرارداد منظور ہوتے ہی ہمیں کہا گیا کہ اپنا سامان اٹھاؤ اور یہاں سے فوری نکل جاؤ۔ عالمی اداروں اور تنظیموں میں اسرائیل کی اس سے زیادہ بے عزتی شاید اب تک نہیں ہوئی تھی۔ اس سے زیادہ افسوس انہیں اس بات سے ہے کہ روس، ایران اور شام اب بھی تنظیم میں موجود ہیں۔ مری شویمر کا کہناہے کہ ہمیں بتایا گیا کہ ہم اس تنظیم کی کارروائی میں حصہ لینے کے اہل نہیں ہیں۔
یورپ سے سے مزید