• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

موٹر سائیکل چوری، اسٹریٹ کرائم میں چھینا جھپٹی جاری، متعدد افراد موبائل فونز، نقدی سے محروم

میرا شہر
اسلام آباد
22 نومبر ، 2024
راولپنڈی (سٹاف رپورٹر)راولپنڈی کے مختلف علاقوں میں وارداتوں میں شہری 12موٹرسائیکلوں ،طلائی زیورات ،موبائل فونز اور نقدی وغیرہ سے محروم ہوگئے۔5افراد سے جھپٹا مار کران کے موبائل چھین لئے گئے۔اسلام آباد کے مختلف علاقوں سے بھی ایک گاڑی ،2موٹرسائیکل چوری کرلئے گئے ۔تھانہ کوہسار کے علاقہ سے ایک گاڑی جب کہ تھانہ انڈسٹریل ایریا کے علاقہ سے 2موٹرسائیکل چوری ہوئے ۔ رابری کی وارداتیں تھانہ کوہسار اور تھانہ گولڑہ کے علاقوں میں رپورٹ ہوئیں ۔ تھانہ وارث خان کو بیلجئیم شہری جوک ٹائن پی سمیتس نے بتایا کہ میٹروبس میں سفر کے دوران کسی نے میراموبائل چوری کرلیا۔تھانہ نیوٹاؤن کے علاقہ کمرشل مارکیٹ میں 2موٹرسائیکل سوار محمدسیاب سےموبائل اور10ہزارروپے،تھانہ صادق آباد کے علاقہ میں 2موٹرسائیکل سوار عبدالرحمٰن سےموبائل،تھانہ نصیرآبادکے علاقہ بھاٹہ چوک میں2نامعلوم ملزمان فہیم اللہ خان سے موبائل اور 5ہزار روپے،تھانہ سول لائنزکے علاقہ گلستان کالونی میں نبیل ناصر اور اس کا ڈرائیو ر محمد ایاز ڈیلیوری دے کر واپس جا رہے تھے کہ 2نامعلوم مو ٹرسائیکل سوار ایک لاکھ 36ہزار470روپے،تھانہ دھمیال کے علاقہ اکبر چوک میں2موٹرسائیکلوں پر سوار چار نامعلوم ملزمان محمد کامران کی گاڑ ی روک کرایک لاکھ 97ہزار روپے اور 2موبائل چھین کرلے گئے ۔ وارداتیں گن پوائنٹ پر ہوئیں۔سید پور روڈ پر افتخاراحمد کے سکول سے سامان مالیتی50ہزار روپے، ٹرانسفارمر چوک میں خلیل الرحمٰن کے رہائشی کمرے کا تالاتوڑکر60ہزارروپے اورتعلیمی اسناد،محلہ زمینداراں میں طارق محمود کے گھر سے 2موبائل اور 57ہزار روپے ،الہ آباد میں محمد رمضان کےگھر سے 60ہزار روپے ،سونا مالیتی5لاکھ روپے اور سامان مالیتی25ہزار روپے،کمال آباد میں حسنین کمال کے گھر سے ایل ای ڈی اور25ہزار روپے ،گلریزمیں عبد اللہ کے گھر سے موبائل اور 15ہزارروپے ،اڈیالہ روڈ پر عبدالرحیم قادر کے گھر سے 3تولہ سونا ، فیز8میں چودھری مبشر حسین کے گھرسے8تولے طلائی زیورات ،40ہزار روپے، لیپ ٹاپ چوری کرلئے گئے ۔
اسلام آباد سے مزید