• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہری 3 گاڑیوں، 29 موٹرسائیکلوں سے ہاتھ دھو بیٹھے، مسلح افراد 19 لاکھ چھین لے گئے

میرا شہر
اسلام آباد
24 نومبر ، 2024
راولپنڈی (سٹاف رپورٹر)راولپنڈی کے مختلف علاقوں میں سرقہ باالجبر ،چوری ،قفل شکنی اور راہ زنی کی وارداتوں میں شہری 2گاڑیوں 22 موٹرسائیکلوں ،طلائی زیورات ،موبائل فونز،نقدی اور دیگراشیاء سے محروم ہوگئے ،9افراد سے جھپٹا مار کران کے موبائل چھین لئے گئے۔اسلام آباد کے مختلف علاقوں میں بھی ایک گاڑی 7موٹرسائیکل ،موبائل فونزاور نقدی وغیرہ اڑالی گئی ۔ تھانہ آبپارہ کے علاقہ گاڑی چوری کرلی گئی ،تھانہ سبزی منڈی اور تھانہ کورال کے علاقوں میں گن پوائنٹ پر موٹرسائیکل چھین لئے گئے جب کہ تھانہ رمنا،سنبل ،انڈسٹریل ایریا،کورال اور تھانہ شہزاد ٹاؤن کے علاقوں میں موٹرسائیکل چوری ہوئے ۔تھانہ ہمک کے علاقہ میں سٹریٹ کرائم کی واردات ،جب کہ تھانہ آبپارہ،تھانہ ویمن تھانہ رمنا اورتھانہ انڈسٹریل ایریا کے علاقوں میں رابری کی وارداتیں ہوئیں ۔تھانہ وارث خان کے علاقہ ڈھوک الٰہی بخش میں 2نامعلوم ملزمان محمد اسماعیل سے موٹر سائیکل، موبائل اور12ہزار روپے ،تھانہ نیوٹاؤن کے علاقہ میں 3 نامعلوم ملزمان حسین احمد اور اس کے دوست سے 2موبائل اور 3ہزار روپے ، ڈی بلاک میں 2نامعلوم ملزمان محمد فراز سے17ہزار روپے، لیپ ٹاپ، ماؤس اور موبائل ،تھانہ صادق آباد کے علاقہ ٹرالی اڈے کے قریب2نامعلوم ملزمان محمد عثمان سے موبائل اور 7ہزار روپے ،تھانہ ویسٹریج کے علاقہ کچا سٹاپ کے قریب محمد جنید اورکامران حسین میزان بینک الہ آباد سے اپنی کمپنی کے اونر غلام رسول کے پرسنل اکاؤنٹ سے 19 لاکھ روپے نکلوا کر گاڑی میں کمپنی کے ویئر ہاؤس کے باہر پہنچے تو اچانک موٹرسائیکل پر 2ملزمان مسلح پسٹل آگئے جو ان سے19 لاکھ روپے چھین کر فرارہوگئے ۔تھانہ ٹیکسلاکے علاقہ میں 2نامعلوم ملزمان سواری بن کرسد یر خان کاموٹرسائیکل،تھانہ ٹیکسلاکے علاقہ سادات کالونی میں 2نامعلوم ملزمان محسن جاوید کاموٹر سائیکل ، اے ٹی ایم کارڈ ،ڈرائیونگ لائسنس اور موبائل ،تھانہ صدر بیرونی کے علاقہ بنکر کالونی میں 2نامعلوم ملزمان پارسل دینے آنے والے اسد الطاف سے ایک لاکھ 61ہزار 979 روپے اور موبائل ،تھانہ دھمیال کے علاقہ رنیال میں2موٹرسائیکل سوار میثم حسین کی دکان سے موبائل اور 22 ہزار روپے ،تھانہ دھمیال کے علاقہ لالہ رخ میں 2نامعلوم ملزمان پیدل جارہی سعیدہ اصغر سے بیگ چھین کرلے گئے جس میں موبائل ،19ہزار روپے اور کپڑوں کا جوڑا تھا۔ وارداتیں اسلحہ کی نوک پر ہوئیں ۔عالم آباد میں محمد طیب کے گھرسے موبائل ، لیپ ٹاپ اور نقدی 30ہزار روپے ،چھتی قبرستان کے قریب محمد خان کی مکسچر مشین ،محلہ زمینداراں میں مطیع الرسول کے گھرسے تالے توڑ کر 34ہزارروپے اورسونا مالیتی3لاکھ روپے،شالے ویلی میں فیصل خان کے گھر سے موبائل ، 2لاکھ روپے اورسونا مالیتی4لاکھ 80ہزارروپے،چمن آباد میں عمر سعید کے گھر سے 2موبائل اور ای کلاکھ روپے،لال کڑتی میں حامد مقبول بھٹی کے دفتر سے تالے توڑ کر موبائل ، 88ہزارروپے اورآئی پیڈ ،عباسیہ چوک میں کرنل (ر) جمال اختر کے ٹاور سے4موبائل مالیتی8لاکھ روپے ،اڈیالہ روڈ پر محمد خلیل جمال کے گھرسےطلائی زیورات مالیتی 30لاکھ روپے اور 10 لاکھ روپے نقدی ،گورکھپور میں ذیشان کےگھر سے تالے توڑ کر اڑھائی تولے کے طلائی زیورات اور ایک لاکھ روپے،گلشن آباد میں مہوش کے 10 تولے کے طلائی زیورات اور 6 لاکھ روپے،گرجا روڈ پر کاشف کے گھرکادروازہ توڑ کرطلائی لاکٹ، انگوٹھی ،70ہزار روپے اور موبائل ،چکری روڈ پر ذاکر علی کی دکان کے تالے توڑ کرکپڑوں کے45 جوڑے ، 2 سلائی مشینیں چوری کرلی گئیں۔
اسلام آباد سے مزید