فرمان الہی
نماز کے اوقات
کراچی(نیوزڈیسک)برطانیہ میں تیز ہواؤں کے ساتھ طوفان ’ڈراگ‘ کے نتیجے میں کرسمس سے قبل سفر میں خلل پیدا ہوا اور ملک بھر میں ہزاروں افراد بجلی سے محروم ہو گئے، ٹرینوں کی آمدورفت معطل ، متعدد پروازیں منسوخ کر دی گئیں،کئی علاقوں میں تیز ہوائیں۔غیر ملکی خبر رساں ادارےکے مطابق برطانیہ کے محکمہ موسمیات نے رات بھر تیز ہواؤں کے حوالے سے ویلز اور جنوب مغربی انگلینڈ کے کچھ حصوں میں ریڈ الرٹ جاری کیا۔حکومت نے 30 لاکھ افراد کو فون پر سائرن کی طرح الرٹ جاری کیا کہ اور رات گھر پر رہنے کی ہدایت کی۔بزنس سکریٹری جوناتھن رینالڈز نے بتایا کہ طوفان نے ’چیلنجنگ صورتحال‘ کو جنم دیا۔طوفان کے نتیجے میں ہفتے کے آخر میں شدید بارش ہونے کی توقع ہے، جس میں پورے برطانیہ میں 100 سے زیادہ سیلاب کی وارننگز اور الرٹس جاری کئے گئے۔شمال مغربی انگلینڈ کے لنکا شائر میں پولیس نے بتایا کہ طوفان کے دوران ایک درخت وین پر گرنے سے ایک شخص کی موت ہو گئی۔
