• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی اور صوبائی قانون ساز اداروں پر مشتمل نیا ادارہ بنانے کی تجویز

آج کا اخبار
اہم خبریں
12 دسمبر ، 2024
اسلام آباد (طاہر خلیل) اسپیکر قومی اسمبلی سردار ایاز صاد ق کا کہنا ہے کہ سینٹ، قومی اسمبلی اور صوبائی اسمبلیوں پر مشتمل تنظیم سے پارلیمانی ادارے زیادہ متحرک ہوں گے، 10 سال بعد اسپیکرز کانفرنس کا انعقاد قانون ساز اداروں میں قریبی رابطوں کو فروغ دیگا ۔ اسپیکر کانفرنس 18 سے 20 دسمبر کو اسلام آباد میں ہو گی، اسپیکرز کانفرنس کے ایجنڈا تیار ی کیلئے اسلام آباد میںوفاقی اور صوبائی قانون ساز اداروں کی سیکرٹریز کانفرنس منعقد ہوئی، سیکرٹری جنرل قومی اسمبلی سید طاہر حسین کی صدارت میں سیکرٹریز کانفرنس میں اسپیکر قومی اسمبلی سردار ایاز صادق نے خصوصی شرکت کی۔ صوبائی اسمبلیوں، آزاد کشمیر اور جی بی اسمبلی کے سیکرٹریز کانفرنس میں موجود تھے۔ اسپیکر نے 18 ویں اسپیکر کانفرنس کے سلسلے میں منعقدہ سیکرٹریز کانفرنس کے انعقاد کو خوش آئند قرار دیا اور کہا کہ ہمیں ایک دوسرے سے قریبی رابطوں کو فروغ دے کر ایک دوسرے کے تجربات سے سیکھنے کا موقع ملے گا۔
اہم خبریں سے مزید