• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزارت نجکاری، PIA کے 12 ماہ کے مالیاتی خسارے کی تفصیلات طلب

آج کا اخبار
اہم خبریں
27 دسمبر ، 2024
کراچی(این این آئی)پاکستان انٹرنیشنل ایئرلائن (پی آئی اے) کے ملازمین کی تنخواہوں میں 25 فی صد اضافے کی درخواست پر وزارت نجکاری نے پی آئی اے سے 12ماہ کے مالیاتی خسارے کی تفصیلات طلب کرلی۔ تفصیلات کے مطابق وزارت نجکاری کی جانب سے خط میں پی آئی اے سے تنخواہوں میں اضافے کے ساتھ آئندہ 12 ماہ کے مالیاتی خسارے کی تفصیل طلب کر لی گئی ہے۔ وزارت نے پی آئی اے کے کوآپریٹ کمیونکیشن ڈویژن کی کارکردگی کا منظور شدہ بزنس پلان سے موازنہ بھی مانگ لیا ہے، ذرائع کا کہنا ہے کہ وزارت نجکاری نے پی آئی اے سی ایل انتظامیہ کو تفصیلات فوری فراہم کرنے کی ہدایت کی ہے۔ذرائع کے مطابق خط میں ملازمین کی تنخواہوں کے اضافے کے اثرات پر بھی رپورٹ طلب کی گئی ہے، اور کہا گیا ہے کہ پی آئی اے سی ایل کی 30 جون سے اب تک بزنس پلان کے تحت کارکردگی کا جائزہ پیش کیا جائے۔پی آئی اے بورڈ آف ڈائریکٹرز نے ملازمین کی تنخواہوں میں اضافے کو وزارت نجکاری کی اجازت سے مشروط کیا ہے جب کہ پی آئی اے ملازمین کی تنخواہوں میں 2016 سے اضافہ نہیں ہوا ہے۔
اہم خبریں سے مزید