ملتان(سٹاف رپورٹر) سپیشل سیکرٹری ہائیر ایجوکیشن ڈیپارٹمنٹ جنوبی پنجاب سرفراز احمد کی زیر صدارت ہائیر ایجوکیشن سیکرٹریٹ ملتان میں ایک اہم اجلاس منعقد ہوا۔ اجلاس میں سیکرٹریٹ اسٹاف، ڈی پی آئی جنوبی پنجاب، ڈائریکٹر کالجز بہاولپور، ڈی جی خان، ملتان، اور تمام ڈپٹی ڈائریکٹرز کالجز نے شرکت کی۔اجلاس میں نئے تعینات ہونے والے ڈائریکٹرز کا تعارف کرایا گیا اور کالجز کی مجموعی کارکردگی کا تفصیلی جائزہ لیا گیا۔ شرکاء نے تدریسی معیار، انتظامی کارکردگی، اور کالجز کے دیگر امور پر بریفنگ دی۔ سپیشل سیکرٹری نے کالجز کی موجودہ کارکردگی پر اطمینان کا اظہار کرتے ہوئے زور دیا کہ تعلیمی معیار کو مزید بہتر بنانے کے لیے تمام افسران بھرپور کوشش کریں۔ سپیشل سیکرٹری نے اس بات پر زور دیا کہ زیر التوا کیسز کو جلد از جلد نمٹایا جائے۔
فرمان الہی
نماز کے اوقات
