فرمان الہی
نماز کے اوقات
لاہور (ایجنسیاں)وزیراعظم شہباز شریف نے لیسکو میں کرپشن الزامات پر نکالے گئے 12 افسران کی بحالی کا نوٹس لیتے ہوئے اعلیٰ سطح کی تحقیقاتی کمیٹی تشکیل دیدی ۔
نوٹیفکیشن کے مطابق کمیٹی میں سابق سیکریٹری پاور شاہد خان اور موجودہ سیکریٹری انرجی بھی شامل ہیں جبکہ کمیٹی میں آئی بی اور لیسکو بورڈ کا ایک ایک نمائندہ شامل ہے۔
کمیٹی نے موجودہ لیسکو چیف، چیئرمین بورڈ اور دیگر افسران کوآج اسلام آباد بلا لیا۔
انرجی ڈویژن کے ذرائع نے بتایا کہ کمیٹی10جنوری تک حتمی رپورٹ وزیراعظم کو بھجوا دے گی۔لیسکو مینجمنٹ پر پیسے لے کر 12 افسران کی بحالی اور بین الاقوامی کمپنی سے سامان کی خریداری کا الزام ہے۔
نوٹیفکیشن کے مطابق لیسکو مینجمنٹ پر ایک نجی ہاؤسنگ سوسائٹی کو غیرقانونی کنکشن دینے کا الزام ہے، لیسکو معاملات میں قوانین کو نظر انداز کرنے کا الزام بھی شامل ہے۔
ذرائع کے مطابق سابق چیف ایگزیکٹو چوہدری محمد امین کی تعیناتی خلاف قانون کی گئی۔
