• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سست انٹرنیٹ سے پریشان صارفین کیلئے اچھی خبر، افریقہ ٹو کیبل پروجیکٹ کا آغاز

آج کا اخبار
اہم خبریں
10 جنوری ، 2025
اسلام آباد(آئی این پی) پاکستان میں سست انٹرنیٹ کے پریشان صارفین کے لئے اچھی خبر آگئی ، انٹرنیٹ کی رفتار میں نمایاں بہتری لانے کے لئے افریقہ ٹو کیبل پروجیکٹ کا آغاز،45ہزار کلومیٹرطویل زیرِسمندرکیبل نیٹ ورک 33ممالک میں46لینڈنگ اسٹیشنزکوجوڑتاہے، افریقہ ٹو کیبل پروجیکٹ لینڈنگ مقام ہاکس بے اور کیماڑی ٹاؤن ،مقامی آپریٹرٹرانس ورلڈ ایسوسی ایٹس ہوگا۔تفصیلات کے مطابق پاکستان کا ٹیلی کام سیکٹرترقی کی جانب گامزن ہے، حکومت پاکستان کی ٹیلی کام اور آئی ٹی سیکٹر میں بہتری کے لیے اقدامات جاری ہے۔حالیہ دنوں میں انٹرنیٹ فراہمی میں مسائل کے باعث حکومت پاکستان کی جانب سے افریقہ ٹوکیبل پروجیکٹ کاآغاز کیا گیا، افریقہ ٹو کیبل پروجیکٹ دنیا کا سب سے بڑا زیر سمندر نیٹ ورک ہے۔یہ منصوبہ 45,000کلومیٹرطویل زیرِسمندرکیبل نیٹ ورک پر مشتمل ہے ، منصوبہ 33ممالک میں 46 لینڈنگ اسٹیشنزکوجوڑتاہے، پاکستان میں افریقہ ٹو کیبل پروجیکٹ لینڈنگ مقام ہاکس بے اور کیماڑی ٹاؤن کراچی میں ہوگا۔
اہم خبریں سے مزید