• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا، سوئیڈن، سعودی عرب، امارات سمیت 7 ممالک سے مزید 52 پاکستانی بے دخل

آج کا اخبار
اہم خبریں
13 جنوری ، 2025
کراچی (افضل ندیم ڈوگر) امریکا، سوئیڈن، سعودی عرب امارات سمیت 7ملکوں سے مزید 52 پاکستانیوں کو مختلف الزامات کے تحت بے دخل کر دیا گیا۔ جن میں سے 3کو کراچی ایئرپورٹ پر گرفتار کر لیا گیا دیگر کو گھروں کو جانے کی اجازت دے دی گئی۔ امیگریشن ذرائع کے مطابق سویڈن میں غیرقانونی قیام پر ایک، امریکہ میں غیرقانونی داخلے اور پاسپورٹ گم ہونے پر دو پاکستانی شہریوں کو وطن واپس بھیج دیا گیا۔ سعودی عرب سے 2 افراد کو بلیک لسٹ، ایک شہری کو منشیات کی اسمگلنگ، ایک شہری کو بھیک مانگنے، 11شہریوں کو مختلف دیگر الزامات کے تحت بے دخل کیا گیا۔ سعودی عرب سے مزید 9 شہریوں کو کفیل کی شکایت پر، 11شہریوں کو سعودی عرب میں زائد المیاد قیام 7کو پاسپورٹ گم ہونے یا ویزا ختم ہونے بے دخل کیا گیا۔ ویزا ختم ہونے پر عمان سے ایک شہری کو پاکستان واپس بھیج دیا گیا۔ غیر قانونی امیگرینٹ ہونے پر ایک جبکہ دو کو غیر قانونی طور پر قیام کرنے پر متحدہ عرب امارات سے اف لوڈ کیا گیا۔ نیپال سعودی عرب اور ملاوی میں پیدائشی تین بچوں کو ایمرجنسی دستاویزات پر پاکستان بھیجا گیا۔
اہم خبریں سے مزید