• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہمیں قدرت کے رحم کی ضرورت ہے، کیلیفورنیا فائربریگیڈ

آج کا اخبار
یورپ سے
15 جنوری ، 2025
کیلیفورنیا (نیوز ڈیسک) امریکی ریاست کیلیفورنیا کے شہر لاس اینجلس میں لگی آگ تاحال بےقابو ہے۔آگ بجھانے میں مصروف فائر فائٹرز اپنی تمام تر کوششوں کے باوجود آگ پر مکمل طور پر قابو پانے اور اسے پھیلنے سے روکنے میں ناکام رہے ہیں جس کی ایک وجہ تیز ہواؤں کا چلنا بھی ہے۔ امریکی میڈیا کے مطابق کیلیفورنیا فائر ڈیپارٹمنٹ کے نائب سربراہ نے کہا ہے ’’ہمیں قدرت کے رحم کی ضرورت ہے‘‘۔ انہوں نے کہا کہ ’’ہمارے پاس فائر فائٹر ہیں، پانی ہے، ہمیں بس وقت چاہیے‘‘۔امریکی میڈیا کے مطابق یہ آگ کب بجھے گی اس حوالے سے فوری طور پر صرف مفروضے ہی قائم کیے جاسکتے ہیں کیونکہ اس کا انحصار دیگر کئی عوامل کے ساتھ ساتھ ہوا کے چلنے یا نہ چلنے اور بارش کے ہونے یا ہونے پر ہے،کیلیفورنیا میں بارش کا موسم عام طور پر دسمبر سے مارچ تک ہوتا ہے اور رواں سال لاس اینجلس میں اب تک صرف 0.01انچ بارش ہوئی ہے۔امریکی میڈیا کے مطابق 12ہزار سے زائد فائر فائٹرز، ساڑھے 1100فائر انجن، 60طیارے اور 143واٹر ٹینکر آگ بجھانے کی کوششوں میں مصروف ہیں، جو اب تک آگ پر قابو پانے میں ناکام رہے ہیں۔
یورپ سے سے مزید