• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ، سب رجسٹرار دفاتر میں بدعنوانی کی تحقیقات کیلئے اعلی سطح کمیٹی قائم

آج کا اخبار
اہم خبریں
01 فروری ، 2025
کراچی (اسٹاف رپورٹر)چیف منسٹر کی انسپکشن ٹیم(سی ایم آئی ٹی)کی جانب سے جمع کرائی گئی انکوائری رپورٹ کے نتائج کی روشنی میں، سندھ حکومت نے سب رجسٹرار دفاتر میں بدعنوانی کے مسئلے کو حل کرنے کے لیے ایک اہم فیصلہ کیا ہے۔ اس انکوائری میں کراچی کے سب رجسٹرار دفاتر میں گزشتہ پانچ سے دس سال کے دوران ہونے والی وسیع بدعنوانیوں کو اجاگر کیا گیا، جس کے نتیجے میں ایک اعلی سطحی کمیٹی تشکیل دی گئی ہے، جسے اس بدعنوانی کی مکمل تحقیقات کا ٹاسک دیا گیا ہے۔کمیٹی، جس کی تشکیل وزیراعلی سندھ سید مراد علی شاہ کی منظوری اور چیف سیکریٹری سندھ آصف حیدر شاہ کی ہدایات کے تحت کی گئی ہے، ریکارڈ کا جائزہ لے کر بدعنوانی کی شدت کو بے نقاب کرے گی اور ذمہ داروں کو جوابدہ ٹھہرائے گی۔ اس تحقیقی کمیٹی کو 90 دن میں اپنی تحقیقات مکمل کرنے اور بورڈ آف ریونیو سندھ کے سینئر ممبر کو ایک جامع رپورٹ اور قابل عمل سفارشات پیش کرنے کی ہدایت کی گئی ہے۔
اہم خبریں سے مزید