فرمان الہی
نماز کے اوقات
مراکش کشتی حادثے میں جاں بحق ہونے والے 4 پاکستانیوں کی لاشیں وطن پہنچا دی گئیں۔
لاشوں کو بدھ کی شب پرواز ایس وی 726 کے ذریعے اسلام آباد پہنچایا گیا۔ محمد ارسلان، علی سجاد، حامد شبیر اور اقبال وقاص کی میتیں جدہ سے پاکستان لائی گئیں۔
ذرائع کے مطابق 2 میتوں کا تعلق منڈی بہاء الدین اور ایک کا تعلق شیخوپورہ سے ہے۔
اس موقع پر وفاقی وزیر سمندر پار پاکستانیز چوہدری سالک حسین ایئر پورٹ پر موجود تھے۔
واضح رہے کہ اس سے قبل مراکش کشتی حادثے میں ملنے والی 13 لاشوں کی شناخت کا عمل مکمل کر لیا گیا تھا۔
سفارتی ذرائع کے مطابق 13 لاشوں کی شناخت پاکستان سے ثابت ہوئی ہے۔
یاد رہے کہ 16 جنوری کو مراکش کی بندرگاہ ڈھاکلہ کے قریب متعدد پاکستانیوں کو لے جانے والی ایک کشتی الٹ گئی تھی۔
