فرمان الہی
نماز کے اوقات
نامور اداکارہ انجلین ملک کے موذی مرض کینسر میں مبتلا ہونے کا انکشاف ہوا ہے۔
اداکارہ نے سوشل میڈیا پر اپنی صحت سے متعلق وائرل ہونے والی پوسٹ کو ری پوسٹ کر کے خود کے کینسر میں مبتلا ہونے کی تصدیق کی ہے۔
میڈیا رپورٹس کے مطابق انجلین ملک ایک بار پھر زندگی کے انتہائی مشکل مرحلے سے گزر رہی ہیں کیونکہ انہیں کینسر کی تشخیص ہوئی ہے۔
اداکارہ اپنی پوری طاقت کے ساتھ ناصرف کینسر کا مقابلہ کر رہی ہیں بلکہ حال ہی میں انہوں نے اپنے جیولری برانڈ کا بھی آغاز کیا ہے۔
فوٹو اینڈ ویڈیو شیئرنگ ایپلیکیشن انسٹاگرام پر انجلین ملک نے خود کے کینسر کا شکار ہونے کی تصدیق کرتے ہوئے اپنے منڈوائے ہوئے سر کے ساتھ پوسٹ شیئر کی ہے جس میں انہیں اپنے جیولری برانڈ کی نتھنی پہنے ہوئے دیکھا جا سکتا ہے۔
اس پوسٹ پر سوشل میڈیا صارفین اور انڈسٹری کی نامور شخصیات اداکارہ کے لیے دعا گو ہیں اور نیک تمناؤں کا اظہار کرتے نظر آ رہے ہیں۔
نیٹزنز کا کہنا ہے کہ اداکارہ کینسر کے مریضوں کے لیے طاقت کی علامت بن گئی ہیں۔
