• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی آئی اے نج کاری میں دلچسپی رکھنے والی پارٹیوں کے تحفظات دور، حکومت

آج کا اخبار
اہم خبریں
07 مارچ ، 2025
اسلام آباد(ناصر چشتی خصوصی نمائندہ)وفاقی وزیر نجکاری، سرمایہ کاری بورڈ اور مواصلات عبدالعلیم خان نے پی آئی اے کی نجکاری کے حوالے سے یہاں خصوصی گفتگو کرتے ہوئے کہا ہے کہ اس ادارے کی پرائیویٹائزیشن میں دلچسپی رکھنے والی پارٹیوں کے تمام تحفظات دور کر دیے گئے ہیں اور حکومت نے پی آئی اے کی فروخت کے لئے خواہشمند پارٹیوں کے مطابق تبدیلیاں لانے کا فیصلہ کر لیا ہے۔ وفاقی وزیر نجکاری نے مزید کہا کہ پی آئی اے کی پرائیویٹائزیشن کو زیادہ سے زیادہ پُر کشش بنانے کے لئے نیا لائحہ عمل دے رہے ہیں اور امید ہے کہ آئندہ تین ماہ میں اس نجکاری کے تمام مراحل طے کر لیے جائیں گے۔ انہوں نے کہا کہ اس مرتبہ پی آئی اے کی پرائیویٹائزیشن کے عمل میں انویسٹرز کی طرف سے بہت بہتر اظہار دلچسپی آنے کی توقع ہے کیونکہ یورپ کے لئے پی آئی اے کی فلائٹس کے آغاز سے نجکاری کا ماحول مزید سازگار ہوگا۔
اہم خبریں سے مزید