• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹریفک حادثات، ایک اور حکم نامہ، دن میں ہیوی ٹریفک پر مکمل پابندی

آج کا اخبار
اہم خبریں
18 اپریل ، 2025
کراچی (اسٹاف رپورٹر)کراچی میں ٹریفک حادثات پر قابو پانے کے لئے ایک اور حکم نامہ جاری ،دن کے اوقات میں ہیوی ٹریفک پر مکمل پابندی عائد کردی گئی۔ کمشنر کراچی نے دن کے اوقات میں شہر میں ہیوی ٹریفک کے داخلہ پر دفعہ 144نافذ کردی ہےپابندی کا اطلاق تعمیراتی مال بردار ڈمپرز پر بھی ہوگاہیوی ٹریفک کو صبح 6 بجے سے رات 10 بجے تک شہر میں داخلے کی اجازت نہ ہوگی۔ نوٹیفکیشن کے مطابق دن میں ہیوی ٹریفک پر شہر میں داخلے پر پابندی ڈی آئی جی ٹریفک کی سفارش پر لگائی گئی ہیوی ٹریفک کو دن میں سپر ہائی وے سے نیو کراچی انڈسٹریل ایریا براستہ سلپ روڈ چلنے کی اجازت ہوگی نیشنل ہائی وے سے گودام چورنگی براستہ منظر پیٹرول پمپ، یونس چورنگی، داؤد چورنگی سے جام صادق پل تک چلنے کی اجازت ہوگی جبکہ ناردرن بائی پاس سے پراچہ چوک، اسٹیٹ ایونیو، سیمینز چورنگی سے گلبائی ماڑی پور روڈ پر ہیوی ٹریفک کو آمدورفت کی اجازت ہوگی تاہم واٹر سپلائی ،کھانے کا تیل،مائع آکسیجن اور نائٹروجن،میڈیکل گیسز،لائف سیونگ ڈرگز، گوشت، کھالیں اور متعلقہ بعض اشیاکی دن میں آمدورفت کی اجازت ہو گی۔
اہم خبریں سے مزید