• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم کی وزیراعلیٰ پنجاب کے گندم کے کاشتکاروں کیلئے پیکیج کے اعلان کی ستائش

آج کا اخبار
اہم خبریں
19 اپریل ، 2025
اسلام آباد(نمائندہ جنگ)وزیراعظم شہباز شریف نے وزیر اعلیٰ پنجاب مریم نواز کی جانب سے گندم کے کاشتکاروں کیلئے خصوصی پیکیج کے اعلان کی ستائش کی ہے۔ اپنے بیان میں وزیر اعظم نے گندم کے کاشتکاروں کے لئے پیکج کے اعلان پر وزیر اعلیٰ پنجاب اور ان کی ٹیم کو خراج تحسین پیش کرتے ہوئے کہا کہ ساڑھے 5 لاکھ کاشت کاروں کو براہ راست گندم سپورٹ فنڈ کے تحت 15 ارب روپے کے فنڈز کی منظوری انتہائی خوش آئند قدم ہے،پنجاب میں گندم کے کاشتکاروں کے لیے آبیانہ اور فکس ٹیکس میں بھی چھوٹ کاشتکاروں کے لئے ریلیف ہے۔ کسانوں کو چار ماہ مفت سٹوریج کی سہولت مہیا کرنے کے اقدام سے گندم کو موسمی اثرات اور کسانوں کو مارکیٹ کے دباؤ سے محفوظ رکھنے میں آسانی ہوگی۔ گندم اور گندم سے تیار اشیاء کی برآمد میں وفاقی حکومت، حکومت پنجاب کو بھرپور تعاون فراہم کرے گی، پاکستان کی خوشحالی کسان کی خوشحالی سے جڑی ہے۔ پاکستان مسلم لیگ ن کا منشور ہے کہ کسان کو اس کی محنت کا پورا پورا معاوضہ ملے۔ کسانوں کی فلاح و بہبود کے لیے وزیر اعلیٰ پنجاب کے بروقت اقدامات نہ صرف کسانوں بلکہ پوری پاکستانی معیشت کے لیے مفید ثابت ہوں گے۔
اہم خبریں سے مزید