• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسٹاک مارکیٹ، مخصوص سیکٹرز میں خریداری سے تیزی کا رجحان، 881 پوائنٹس کا اضافہ

آج کا اخبار
اہم خبریں
18 اپریل ، 2025
کراچی ( اسٹاف رپورٹر)پاکستان اسٹاک ایکس چینج،مثبت معاشی اشاریوں اور مخصوص سیکٹرز میں خریداری کےباعث مارکیٹ میں تیزی کا رحجان، کے ایس ای100انڈیکس میں 881 پوائنٹس کا اضافہ،47.64 فیصد کمپنیوں کے شیئرز کی قیمت بڑھ گئی،سرمایہ کاری مالیت میں بھی 99 ارب 52 کروڑ 33 لاکھ روپے کا اضافہ،تاہم کاروباری حجم 15.30فیصد کم رہا ،تفصیلات کے مطابق جمعرات کو مارکیٹ میں ٹریڈنگ کے آغاز پرفروخت کے دباؤ سے مندی دیکھنے میں آئی اور انڈیکس 202 پوائنٹس کی کمی سے ایک لاکھ 16 ہزار کی حد سے بھی نیچے آگیا تاہم بعد ازاں مثبت معاشی اشاریوں اور مالیاتی اداروں کی منتخب سیکٹرز میں خریداری سے صورتحال تبدیل ہو ئی اور انڈیکس 1196 پوائنٹس کے اضافےسے ایک لاکھ 17 ہزار کی حد بھی عبور کر گیا تاہم اختتام پر اس اتار چڑھاؤ کے بعد کے ایس ای100انڈیکس 881.03 پوائنٹس کے اضافے سے 116901.13 پوائنٹس پر آکر بند ہوا۔
اہم خبریں سے مزید