فرمان الہی
نماز کے اوقات
امریکی رکن کانگریس جیک برگ مین نے بانی پی ٹی آئی کی رہائی کا مطالبہ دہرا دیا۔
سماجی رابطے کی ویب سائٹ ایکس پر پوسٹ شیئر کرتے ہوئے انہوں نے بانی پی ٹی آئی کی رہائی کا مطالبہ کیا ہے۔
ان کا کہنا ہے کہ دورہ پاکستان میں وہاں کے رہنماؤں اور برادریوں سے روابط کے بعد بانی پی ٹی آئی کی رہائی کا مطالبہ دہرا رہا ہوں۔
انہوں نے کہا کہ پاکستان اور امریکا کی شراکت داری جمہوریت، انسانی حقوق اور معاشی خوشحالی جیسے مشترکہ اقدار پر قائم ہے، آئیے آزادی اور استحکام کے لیے مل کر کام کریں۔
واضح رہے کہ ری پبلکن پارٹی سے تعلق رکھنے والے برگ مین نے اپریل کے وسط میں دورہ پاکستان کے دوران سول اور عسکری قیادت سے ملاقاتیں کی تھیں۔
اس موقع پر پاکستان تحریک انصاف کے حامیوں نے سوشل میڈیا پر جیک برگمین پر تنقید کرتے ہوئے کہا تھا کہ پاکستانی رہنماؤں سے ملاقاتوں کے دوران انہوں نے بانی پی ٹی آئی کی رہائی کا مطالبہ کیوں نہیں کیا۔
