• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایف بی آر نے ہمیشہ قانونی تجارت کو تحفظ فراہم کیا‘ چیف کمشنر انکم ٹیکس

میرا شہر
کوئٹہ
30 اپریل ، 2025
کوئٹہ(اسٹاف رپورٹر)چیف کمشنر انکم ٹیکس بلوچستان عبدالمالک درانی نے کہا ہے کہ ایف بی آر نے صوبے بھر میں غیر قانونی و نان ٹیکس پیڈ سگریٹ فروخت کرنے والوں کیخلاف کارروائی شروع کررکھی ہے، اس ضمن میں بزنس کمیونٹی کو بھی اعتماد میں لیا ہے، جس بھی ہولسیلراور ریٹلر کے پاس موجود سگریٹ پر ٹریک اینڈ ٹریس کا ریکارڈ نہیں ہوگا، ان کا مال ضبط کرلیا جائے گا،انلینڈ ریونیو بلوچستان کی ٹیکس کلیکشن کی شرح میں واضح اضافہ ہوا ہے، گزشتہ مالی سال میں 79 بلین انکم ٹیکس اور سیلز ٹیکس کی مد میں قومی خزانہ میں جمع ہوئے جبکہ اب اسوقت ٹیکس آفس کوئٹہ نے 82 بلین کی ریکوری کرلی جبکہ مالی سال کے اختتام میں اب بھی دو ماہ ہیں۔ ان خیالات کا اظہار انہوں نے ریجنل ٹیکس آفس میں میڈیا سے بات چیت کرتے ہوئے کیا،اس موقع پر کمشنر انکم ٹیکس زون ون اسد خان لونی،کمشنر انکم ٹیکس زون ٹو رحمت اللہ درانی،ایڈیشنل کمشنر ہیڈ کواٹر عطا محمد ناصر بھی موجود تھے۔ قبل ازیں لاکھوں روپے مالیت کی ضبط کی گئی سگریٹ کو نذر آتش کرکے تلف کیا گیا۔چیف کمشنر انکم ٹیکس عبدالمالک درانی نے کہا کہ ایف بی آر نے ہمیشہ قانونی طریقہ سے تجارت کرنے والوں کو تحفظ فراہم کیا ہے اسی سلسلے میں تمباکو ، چینی اور کھاد کی صنعت پر ٹریک اینڈ ٹریس سسٹم لاگو کیا تاکہ قانونی طریقے سے تجارت کرنے والوں کا کاروبار متاثر نہ ہو۔انہوں نے کہا کہ قانونی طریقہ سے تجارت کرنے والوں کو سہولیات کی فراہمی کے لئے ایف بی آر پرعزم ہے ، اس وژن کو مدنظر رکھتے ہوئے ڈیرہ اللہ یار،سبی،گوادر میں ٹیکس فسلٹیشن سینٹرز جبکہ حب زون میں ٹیکس آفس فعال ہے۔
کوئٹہ سے مزید